Rojnameya Times li ser rewşa kurdên Sûriyê û gefên Tirkiyê ragihandiye, piştî ku Amerîka biryar da hêzên xwe ji Sûriyê vekişîne kurdan berê xwe dan rêjîma Sûriyê û ji tirsa êrişên Tirkiyê dixwazin herêmên di bin destê xwe de teslîmî artêşa Sûriyê bikin lê li ser çawaniya teslîmkirin, di navbera wan de hevdîtin hene û hîn negihîştine encameke zelal.

Di raporta Timesê de hatiye gotin ku kurd daxwaz dikin artêşa Sûriyê li ser sînorê navbera Sûriye û Tirkiyê bicîh bibe. Heta niha nayê zanîn Sûriye dê vê yekê qebûl bike yan na lê rêjîm dizane neçar e xweseriyê bide kurdan lê ne bi qasî xweseriya kurdên Iraqê.