Yewîya Sûryanîyan a Ewropa (ESÛ) pare kerd ke semedê hêrişanê dewleta tirke yê Herêma Kurdîstanî de 20 dewê asûrî-keldanîyan ameyî vengkerdene. ESÛyî vera ney seba çalakîyan veng da.

Heyetê Rayberdişî yê Yewîya Sûryanîyan a Ewropa (ESÛ)  bi beyanatêk aşkere kerd ke dewleta Tirkeya operasyonê Kartal-Pençeyî de zirar dana waranê sivîlan û sivîlan  kişena. ESÛyî da zanayîş ke, Efrîn de zî şar koç kerd û xeylê dewê xirîstîyanan ameyî vengkerdene.

Beyanatê ESÛyî de wina dewam keno: ''Destpêkê operasyonê Kartal-Pençeyî yê dewleta tirkîya de 20 dewê keldanî-asûrî-sûryanîyan ameyî vengkerdene. Hemwelatîyê nê dewan şîyî Dûhok, Zaxo û cayanê bînan.

Ma vengê Hukmatê Iraqî û Hukmatê Herêma Kurdistanî0 danê ke vernîya nê operasyonanê Tirkîya bigêrê. Ganî Neteweyê Yewbîyayeyî, Yewîya Ewropa, DYA û hêzê herême zî seba şaranê herêmîyan çareserîyêka mende bivînê.''