Hêzê Wezîfeyê Çalakîya Fînanse yê Mîyanneteweyî dewleta tirke viste 'lîsteya gewre' ke tede welatê ke pereyê reşî kenê sipî û vera fînansekerdişê terorîzmî zaf xîret nêkenê.

Hêzê Wezîfeyê Çalakîya Fînanse yê Mîyanneteweyî (FATF) kombîyayîşê xo ra dima paytextê Fransa Paris de eşkerayîyêke daye û dewleta tirke viste 'lîsteya gewre' yke tede welatê ke pereyê reşî kenê sipî û vera fînansekerdişê terorîzmî zaf xîret nêkenê.

Serekê FATFî Marcus Pleyerî pare kerd ke dokumentanê Pandora de zî derheqê sipîkerdişê pereyê reşî de zaf agahîyî estê û ganî welatî vera ney zêdêr têkoşîn bikerê. 

Hetê bînî ra Botswana û Mauritis lîste ra ameyî vetene. Urdun, Malî û Tirkîya kewtî lîste.

Pleyerî eşkera kerd ke Tirkîya babetanê sipîkerdişê pereyanê reşî û fînanseyê terorî de zaf aver şîya û vat: ''Tirkîya de nê babetan de meseleyê cidîyî estê. Ma do Tirkîya ser o dima ercnayîşêkê hîrayî bidê. FATF nika sektoranê banka, maden, bazirganîya kerrayan û emlakî yê Tirkîya de cigêrayîşan keno. Tirkîya verî ca dana rêxistinanê sey DAÎŞ, El Qaîde yê ke NY înan sey terorîstî pênase keno. Ganî Tirkîya rîsk bigêra, vera fînanseyê terorî caardişan bikera.''