Artêşa Tirkiyê hinek hêz û cebilxaneya din li ser sînorê Rojavayê Kurdistanê bicîh kir.

Tevgera leşkerî ya Tirkiyê ber bi sinorê Rojavayê Kurdistanê ve berdewam e û artêşa Tirkiyê karweke din ya hêzên komando şand ser sînorê Rojavayê Kurdistanê.

Hêza leşkerî ku ji tirimbêlên zirhî û 12 otobûsan tijî komando pêk dihat, li devera Serêkaniyê ya Serxetê (Riha) û li ser sînorê Rojava hatin bicîhkirin.

Rayedarên Tirkiyê bi taybet serokê wî welatî Recep Tayyip Erdogan gotibû, ew li benda encamên hevdîtinên navbera Amerîka û Tirkiyê li ser herêma aram namînin û ewê “korîdora terorê” perçe perçe bikin.

Qesta Erdogan ji “korîdora terorê”, Rojavayê Kurdistanê û ew dever in yên ku di bin destê YPGê de ne.