Çend roj berê li devera Akyazê ya bajarê Sakarya yê Tirkiyê, şêxê terîqeta “Uşşakî”, Eyûb Fatîh Şagban (58 salî) bi tohmeta ku dest avêtiye keçikek 12 salî hat girtin.

Li gorî agahiyan, ew zaroka ku wî şêxî dest avêtiyê, keça murîdekî wî ye!

Dozgeriya bajarê Sakarya doznameya girtina wî amade kiriye û jê re 42 sal zîndan xwastiye. Her gava dadgeh wê doznamê qebûl bike ew şêxê tirk dê 42 salan bikeve zîndanê.

Li gorî agahiyên ku di medyaya Tirkiyê de hatine belavkirin, wî şêxî bavê wê keçkê tehdîd kiribû ku bila ew rûdan veşartî bimîne. Li hember de ew çi bixwaze dê bide! Lê bavê keçkê guh nedabû şêx û çûbû li asayişê gilî li şêx kiribû.