Tirmê ciwan Yunus Agirbaşo ke seba honikbîyayîşî kewtibi Royê Dîcle û vindî bibi, amey vînayîş.

Nizdîyê Baxçeyanê Hewselî yê qezaya Sûrî yê Amedî de, 3 embazî seba ke honik bibê kewtbî Royê Dîcle. 

Nê embazan ra Yunus Agirbaşo 20 serrî kewt verê pêlan û vindî bibî. Hemwelatijanê dormeyî yê ke dîyî Agirbaş awe de vindî bi, xebere day ekîpanê weşîye, AFAD, îtfaîye û polîsan.

Ekîpê ke sewqê cayê  hedîse bîy, dest bi xebata cigêrayîş û xelesnayîşî kerd. Badê xebatanê cigêrayîşî yê 2 saetan cenazeya Agirbaşî 500 metre dûrê cayo ke kewtibi awe de amey vînayîş. 

Cenazeya Agirbaşî seba otopsî wedarîya morgê nêweşxaneyî û derheqê hedîse de tehqîqat ame akerdiş.