Şewa bîne topxaneyê Artêşa Tirkiya karargahê YPG ke dorûverê qezaya Şehba de ca gênê da bombeyan ver. 
 Qaso ke ama zanayîş, topxaneyê Artêşa Tirkiyê teyaregehê Minixî ke bakurê rojavayê bajarê Tilrifet de ca gêno bombarduman kerd.
Heto bîn ra Artêşa Tirkiyê dewê Malikiyê, Şewarxe, Merhinaz, Eyndeqna, Hirbil û Şêx Îsa zî da bombeyan ver. Goro ke vajîya vengê bombardumanî heta bajarê Efrînî ra zî ame eşnawitiş.
Qezaya Şehba bakurê Helebî de ca gêno, cêrê ey destê hêzê YPG û corê ci zî deste hukmatê Sûriye de yo. Tayn cayî zî deste Rûsya de yê. Çend rojîyo ke Artêşa Tirkîya uca tacîz kena û şewa bine ra nat dest ci kerda ke a mintiqa bombarduman biko.