Çavkaniyekî ji rêveberiya Amerîkayê ji bo rojnameya Washington Postê diyar kir ku biryara mueyîdeyan niha hatiye rawestandin.

Berdevka Koşka Spî Sarah Sanders jî di civîna xwe ya çapemeniyê de daxuyandibû ku ji bo mueyîdeyan hêj biryar nehatiye dayîn.

Cara pêşiyê Nûnera Daîmiya Amerîkayê ya li Neteweyên Yekbûyî (NY) Nikki Haley daxuyandibû ku bi hinceta ‘piştgiriya ji bo Sûriyeyê' dê li hemberî Rûsyayê mueyîdeyên nû werin sepandin. Haley di axaftina xwe de gotibû, Washington dê mueyîdeyên nû li hemberî Rûsyayê pêk bîne û çarçoveya mueyîdeyan dê roja duşemê (îro) were eşkerekirin.