Mabênê dewleta Amerîka û Îranî de tayn mendo ke lec vejîyo. Serekê Amerîka Donald Trumpî Komara Îslamî ya Îranî tehdîd kerd û va “Eger Îran biwazo ma dir şer biko, no do bibo peynîya dewleta Îranî.”

Mabênê dewleta Amerîka û Îranî de tayn mendo ke lec vejîyo. Serekê Amerîka Donald Trumpî Komara Îslamî ya Îranî tehdîd kerd û va “Eger Îran biwazo ma dir şer biko, no do bibo peynîya dewleta Îranî.” Donald Trumpî bi yew twîtêk onca dewleta Îranî tehdîd kerd û wina va va “Eger Îran biwazo şer biko, no do peynîya dewleta Îranî bîyaro.”

Heto bîn ra şewa bîne welatê Iraqî de fuzeyêk erzîya kişta Konsolonsxaneyê Amerîka. Donald Trumpî hêrişê fuze ra dima Twîtêk eşt û dewleta Îranî tehdîd kerd.Donald Trumpî hewteyêk verî vatbi “Amerîka Nêwazena Îranî dir şer biko.”

Çend rojî verî Rayverê Komara Îslamî ya Îranî Elî Xamineyî zî vatbi “Ma nêwazenê wa mabênê Îran û Amerîka de şer vejîyo.” Û Amerîka dir dest pêkerdişê dîyalogêk red kerdbi.

Wezîrê Karanê Teberî yê Îranî Mihemed Cewad Zerîf zî vatbi “Ez îxtîmal nêdana ke mabênê Tehran û Waşingtonî de şerêk vejîyo.

Heto bîn ra dewleta Siûdî Erebîstanî derheqê îxtîmalê şerî yê mabênê Îran û Amerîka de beyanatêk da.

Wezîrê Karanê Teberî yê Siûdî Erebîstanî Adil el-Cubeyr zî vano ke “ Ma zî şerêk nêwazenê. La eke dewleta Îranî ma tehdîd biko û bido ma ro ma do cewabê Îranî bide û bide Îran ro.”