Merkezê Xeberan- Serekê Dewleta Amerîka Donald Trûmpî seba operasyona Tirkîya ya îşgalkerdişê Rojavayê Kurdistanî mektûbêk erşawit Recep Tayyip Erdoganî rê. Trûmpî bektuba xo de bi fekêko tûj Erdoganî dir qisey kerd.

Vejîya orte ke Serekê Dewleta Amerîka Donald Trûmpî 9ê na aşme de seba operasyona Tirkîya ya îşgalkerdişê Rojavayê Kurdistanî mektûbêk erşawito Recep Tayyip Erdoganî rê.

Trûmpî mektûbê xo de Erdoganî dir qeşmerî kerd û wina va: Bê ma pêameyîşêko weş bike, ti zî nêwazenî mesûlîyetê qetlbîyayîşê hezaran kesan bigîrê xo ser. Ez zî nêwazena hetê ekonomi ra şima perişan bikî.

Dewamê mektuba Trûmpî de wina ame vatiş:

Min kerd ke, ez meseleyanê mabênê şima safî bikî. Meverde wa sebat o hêvîya dinya bişikîyo. Şima eşkenê pêameyîşêko zaf rind bikê. General Mazlûm qayîlo şima dir pê bikero. Mi ra vato ‘ez eşkena tawîzê ke ma hetanî nika daye bidê.’

“Eke ti karê xo rast û bi însanî bikî tarîx weş qalê to keno. La eke ti karê xo xirab bikî tarîx tos ey şeytanî name keno. Huşk mebe. Xêvek mebe, ez do to dima bigêrî.