Qesra Sipîye onca dewleta Îranî tehdîd kerd ke, do çi rey nêverdê Îran sîlehê nukleerî virazo. Donald Trumpî zî va, ‘Îran adir dir kay keno’.

Hemverê qerarê Îranî yê seba zêdekerdişê nisbetê ûranyûmê zengînkerdeyî Qesra Sipîye beyanatêk da. Beyanat de de ame vatiş ke “DYA do çi rey destûr nêdo ke Îran sîlehanê nukleerî virazo.”

Beyanat de ame îzehkerdiş ke, peymanê nukleerî ya serra 2015’î de Îranî rê destûr ameyo dayîş ke bi nisbetêkê kemî bo zî ûranyûmî zengîn bikero. Nisbetê xo çi beno wa bibo şaşîtî bîya ke Îranî rê destûr ameyo dayîş ke ûranyûmî zengîn bikero.

beyanatê Amerîka de wina vajîya: Dewamê ambargoyê DYA yê vera îdareyê Tehranî do dereceya ‘tewr berze’ de dewam bikero.

Wezîrê Karanê Teberî yê Îranî Cevad Zarîfî bi vatişê, “Îranî sînorê 300 kîloyî ravêrna” pêhesna ke ê sînorê kemî yê ûranyûmê zengînkerdeyî ra ravêrtê.