Merkezê Xeberan - Trumpî preskonferansê Qesira Sipî de va ke ‘’Yan Çîn nêeşka vilabîyayîşê vîrusa korona vindarno yan zî verda wa no vîrus vila bibo’’

Persa ‘’Mesulê vilabîyayîşê vîrusî Serekê Çînî Xi Jinping o yan ney’’, ser Trumpî qisey nêkerd.

Dîrektorîya Îstixbaratê Neteweyî ya Amerîka vatbî ke, vîrusê korona bi destê însanan nêameyo viraştişû labaratuvarî ra vila nêbîyo.

Vîrusê korona aşma Kanûna 2019î de Şaristanê Eyaletê Hubei Wuhan ra vejyabi ûûca ra vîyarbi dewletanê bînan.

Gorê malumatê Unîversîteya Johns Hopkinsî,  pêroyê dinya de 233,439 kesî rîyê vîrusê Korona ra merdê.

Virusê Korona en zêde Amerîka de vila bîyo û Amerîka de virus kewto ganê 1 milyon kesan û 63,019 kesî zî merdê.

Amerîka ra dima, bi 27,967 merdeyan Îtalya, bi 26,842 merdeyan Brîtanya bi 24,543 merdeyan zî Îspanya yena.