Amerîka û Îram hema her roje yewbînan tehdîd kenê. Serekê DYA Donald Trumpî Twîtterî ser ra ona Îran tehdîd kerd.

Serekê DYA Donald Trumpî pmesajê xo de va, “Îran, wa hayîya şima tehdîdanê şima ra estbo. Beno ke nê tehdîdî abigêrê şima ser. Gelo aqilê şima şima sere de yo!

 Serekkomarê Îranî Hasan Rûhanîyî heta 7’ê Temmuze wext da welatanê ke mohrê xo dabi binê peymana nukleerî ya serra 2015’î ro û waştibi ke sozê xo bîyarê ca.

 Hasan Rûhanîyî vat ke, eke welatê Ewropayijî ê ke mohrê xo dayo binê peymana nukleerî ro sozê xo bîyarê ca, do Îran zî goreyê peymane têbigêro.

 Serekkomarê Îranî ard ziwan ke heta 7’ê Temmuze eke sozê ke dayê nêrê bicaardene do newe ra dest bi xebata reaktorê Arakî bikerê û nisbetê ûranyûmê zengînkerdeyî qasê se ra 3,67 bikerê vêşî.

Dimayo ke serekê DYA Donald Trumpî serra 2018 de bi hawayêkê yewhetî xo peymana nukleerî ra ant, hale peymane kewt tehluke. Îdareyê Îranî zî qerarê Trumpî ra serrêk dima pêhesna ke înan tayê sozê xo vindarnayê.

Tehranî tewr peynî no hewte eşkera kerd ke înan nisbetê ûranyûmê zengînkerdeyî kerdo vêşî.