Encûmena Rayverîye ya Unîversîteya Artûklû ya Mêrdînî qerarê qefilnayîşê Enstîtuya Ziwananê Ciwîyayenan da.

Encûmena Rayverîye ya Unîversîteya Artûklû ya Mêrdînê qerarê qefilnayîşê Enstîtuya Ziwananê Ciwîyayenan da. Tirkîya de na beşe serra 2009 de ameybî ronayîş.

Qerar semedê tesdîqkerdişî YOK rê ame erşawitiş.  Kombîyayîş de bi 17 reyanê qebûlî  û 7 reyanê redî qerarê padîyayîşê Enstîtuya Ziwananê Ciwîyayenan aTirkîya  ame girewtene. Akademîsyen Selîm Temoyo ke Unversîteya Artukluyî ra ameyo îxrackerdiş, vera nê qerarî medyaya sosyale ser ra reaksîyon  nişan da û no qerar sey dişmenîya vera Kurdkî hesibna.

Enstîtuya ke serra 2009î de ameye akerdiş, a roje ra nate 70 bitezî û 699 zî bêtezî xebatê lîsansê berzî ameyî kerdene. Enstîtuya ke bi armancê perwerdeyê Kurkî amey akerdiş nameyê ci sey Enstîtuya Kurdî nê Enstîtuya Ziwananê Ciwîyayenan ame bewlîkerdene. Badê cû zî Enstîtu de ca dîya beşê Ziwan û Kulturê Ereban û Suryanîyan zî.