Merkezê Xeberan- Programê Xida ya Dinya ya Netewê Yewbîyayî (UNWFP) aşkere kerd ke, bi sebebê zuwayî, laser û bêusulî Başûrê Afrîka 45 mîlyon kesî veyşan ê. Gere cade xida bierşawîyo a mintiqa.

UNWFP vano ke, gere cade komela mîyandewletî bikewa mîyanê têgêrayîşî, ardiman biresna herême û seba înan programêk bêro hadrekerdiş.

Sere de 489 mîlyon dolarî rê lazimtî esta la heta nika tena 205 mîlyon dolarî amê arêdayîş.

Îdarekara WFPî Lola Castro vana ke:

“Ma hetanî nika meseleya veyşanî de çîyêko wina nêdî û beno ke no hal hîna xirab bibo.”

WFP xebitîyena ke miqdarê ardiman temam biko.