Serokê parlementoya Venezuêla Juan Guaido (Xuwan Giwaydo), ku di heman demê de serokê opozisyona wî welatî ye, li qadeke Karakas a paytexta wî welatî weke serokê demkî yên wî welatî û di nav girseya xwepêşanderan de sonda serokatiyê xwar û soz da, ku hilbijartinên demokratîk li welat birêve bibe.

 

Serokê Amedîkayê, Donald Tramp jî ragihand, ku ew serokatiya rêberê opozisyona Venezuêlayê bi fermî nas dike û dê weke serokê welat serederiyê li gel wî bike.

 

Trump got, dê Amerîka bi hemû şiyanên xwe piştevaniya wî bike.

 

Herwiha Wezîrê Derve yê Amerîkayê, Mike Pompeo di peyamekê de ragihand, ku Amerîka parlamentoya Venezuêlayê weke hikûmeta fermî ya wî welatî nas dike.

 

Serokê Venenuêlayê, Nîkolas Maduro jî di gotarekê de daxwaz ji artêşa welatê xwe kir, ku rewşê kontrol bikin.