Dîya zanayene ke vera warê gazî yê Kor Morî qezaya Çemçemalî de hêrişê bi roketan ameyo kerdene.

Goreyê agahîyanê ke çimeyanê herêmîyan ra ameyê girewtene, vera warê gazî yê bajarekê Kadîr Keremî yê qezaya Çemçemalî yê Silêmanî hêrişê bi roketan ameyo kerdene. Netîceya  hêrişî de beşêkê santralî de şewat vejîya û teyarayî asmên de gêrayî.

Goreyê heman çimeyan xeylêk hêzî sewqê herême ameyê kerdene. Nêzanîyeno ke hêriş hetê kamî ra ameyo kerdene.

22,23,25ê hezîrane de zî vera Kor Morî hêrişê bi roketan amebi kerdene.