Terzî Yasemîn Suleymanoglû va, “Verê Newroze kincanê herêmîyan rê eleqa zêdîya la seba ke kriz esto şar ekseri kincanê tekrenginan herîneno.”

Terzî Yasemîn Suleymanoglû va, “Verê Newroze kincanê herêmîyan rê eleqa zêdîya la seba ke kriz esto şar ekseri kincanê tekrenginan herîneno.”

Newroze rê çend rojî mendê. Wina yeno texmînkerdiş ke do Newroza emserî zaf qerebalix bo. seba ke kincanê herêmîyan rê eleqayêko pîl esto, terzîyî nêşkenê sîparîşan birasnê. Terzîxaneyê Lewendîyî zî nê rojan dekerdî yo.

Qerebalixê 8ê Adare û Newroze 

Wayîra terzîxaneyê Lewendîyî Yasemîn Suleymanoglûye va, “Destê ma de zaf kar esto. Semedo ke na aşme hem roja cinîyan hem zî Newroze estê karê ma zêdîyayo. Seba ke kince herêmîyî Kurdan temsil kenê, Kurdî hîna zêde nînan tercîh kenê. Ma tîya de çar cinîyî xebitîyenê û ma cehd kenê ke kincanê welatîyan birasnê Newroze.”

Hinî her kes nêşkeno nê kincan biherîno 

Suleymanogluye va, “Hinî her kes nêşkeno nê kincan biherîno. Fîyetî înan rê vayî yenê. Krîzê ekonomîyî ver welatîyî nêşkenê nê kincan biherînê. La ma fîyetî kerdê erjan ke wa şarê ma pê nê kincanê renginan Newroze bixemilnê. Emser seba ke kriz esto şar h3ina zêde kincanê tekrenginan tercîh keno. Ma tewr zêde Newrozanê 2013-15an de sîparîşî girewtê. Ez hêvî kena Newroza emserî zî sey ê Newrozan qerebalix û keyfweş bo”

(MA)