Merkezê Xeberan- Vera Vakur û Rojhelatê Sûrîye hêrişê qirkerdişê yê Tirkîya û çekdaranê aye zaf cayanê dinya de bi hawayêko cîya-cîya yenê protestokerdene. Paytaxtê Almanya Berlin de bi nawitişgehêkê fotografan verê Parlamentoyê Federal de çalakîyêk ameye kerdene.

12 hunermendê fotografan ê Rojawanijan tewrê çalakîye bîyî û çalakîye saete 11:00 de verê parlamentoyî de dest pêkerd.

Turîstan û almanan eleqayêko pîl mojna çalakîye. Koma hunermendan ê Rojawanijan ê ke Meryeme Ayşo, Wehîd Tewfîq, Nesrîn Bayam, Xidir Evdilkerîm, Rodî Xelîl, Şîrîn Dawûd, Kewa Katsîkats, Taha Zalî, Arî Mîrza, Hesen Hûîssen, Hasan Mala û Keçî Xomî ra ameyêne meydan verê parlamentoyî de 9 portreyî û şarî ser o tedaya Erdoganî xêz kerdî.

Hunermendan kişta pankartê ''Dewleta Tirke û cergê aye wa Vakur û Rojhelatê Sûrîye ra def bibê." de hunerê xo pêşkêş kerd. Hunermendan 9 tabloyê ke xebitnayîşê çekanê kîmyewîyan ê Dewleta Tirke ser o yê temam kerdî.

Hunermendan bi beyanatêkê hempar ard ziwan ke nêrazîbîyayîşê xo bi rayîrê hunerî îfade kerdî û ê do çalakîyanê xo dewam bikê.