Merkezê Xeberan - Vîrusê Korona peynîya menga kanûne de şaristanê Wuhanî yê Çînî de vejîya orte û her roje cayêko bîn yê dinya de nêweşîyêka vîrusî yena dîyayîş. Hûmara merdimanê ke vîrusê korona ra mirenê bena zêde.

Herêma Hubeiyî de ke Wuhan zî tede ya de vizêr şan 42 kesî medî. Bi no qayde hûmara mergan resaya 212 kesan. Zaf cayanê Çînî de 20 welatan de 8 hezar 100 kesî vîrusê Korona ra nêweş kewtî. Na hûmare zî her roje zêdîyena. Almanya de hûmara nêweşan bîy 5 kesî. Îtalya de 2 kesan de vîrusê Korona ame tesbîtkerdene. Amerîka de 170 kesî vîrusê Korona ame tesbîtkerdene.

WHOyî warê mîyanneteweyî de rewşa lezabeze îlan kerde

Rêxistina Weşîye ya Dinya (WHO) reya verêne 10ê çeleyî de derheqê vîrusî de beyaat da û hewteyo vîyarte zî hewce nêdibi ke warê mîyanneteweyî de rewşa lezabeze îlan bikera.

La nika warê mîyanneteweyî de rewşa lezabeze ame îlankerdiş. WHOyî beyanatê xo eleqe ant muhîmîya xîretanê Çînî ser. Bi wesîleya rewşa lezabeze welatanê endamanê WHOyî ra ame waştene ke bi tebdîrê hemparî pîya têbigêrê. Labelê qedexeyê bazirganîya bi Çînî rojdem de nîyo.