Merkezê Xeberan - Goreyê bîlançoya ajansê xeberan ê  Fransa AFPyî hûmara merdeyan bîya 8 hezar û 800.

Jano ke Çîn de vejîya werte ewro 150 welatan  û herêman ra vila bîyo. Kesê ke pê janî kewtî hûmara înan sey 209 hezar 500 amey eşkerakerdene. La na bîlanço hûmara raşte îfade nêkena.  24 saetanê peyênan de welatê ke tede mergê tewr zaf qewimîyayî Îtalya 475,  Îran 147 û Îspanya 107.

Çîno ke tede jan vejîya hûmare bîyê 80 hezar û 894 û înan ra 3 hezar û 237 kesan cuya xo vînî kerd, 69 heazar û 601 zî bîyî weş.  Têna mabenê sêşeme û çarşemeyî de 13 kesî newe pê janî kewtî û 11 kesî merdî. Welatanê bînan de zî 24 saetanê peyênan de 937 kesî merdî û hûmare bîye 5 hezar û 547. Kesê ke nêweşî girewt hûmara înan zî resay 138 hezar û 609. Çînî ra dima Korona tewr zaf bi rêzî Îtalya, Îran, Îspanya û Fransa ser o tesîr kerd.

Goreyê doneyanê vizêrî Asya de 93 hezar  û 955 nêweşî û 3 hezar û 384 merde, Ewropa de 86 hezar nêweşî û 4 hezar û 122 merde, Rojhelata Mîyanênî de 19 hezar û 210 nêweşî û 1. 152 merde, Amerîka  û Kanada de 7 hezar û 748 nêweşî û 104 merde, Amerîkaya Latîne  û Karapîyeran de 1.324 nêweşî û 10 merde, Afrîka de 596 nêweşî û 16 merde û Okyanûs de 576 nêweşî û 6 merde estî.