Joseph Votel beyî ku hurgiliyan eşkere bike got, yek ji perçeyên wan ên li Sûriyê jî tunebûna gefek li dijî Tirkiyê û parastina hevpeymanên wan ên li qadê ye ku digel wan şer kiriye.

Li ser pirsa qedexeya firrînê jî Votelî got ew hilbijêrên cuda cuda nîqaş dikin, lê ez vê hilbijêra ku em li ser nîqaşdikin, weke 'qedexeya firrînê' bi nav nakim.

Votelî diyar kir divê fişara li ser DAIŞê berdewam be û di dest wan de qadeke bi 51 kîlomtrekareyî mane ku heta vekişîna hêzên Amerîkî, wê DAIŞ xaka di dest xwe de giş ji dest bide. Lê, digel ku DAIŞ belav bûye, dikare cardin bi xwe ve were û ji ber vê jî divê Hevpeyman timî hişyar be.

Votelî herwiha diyar kir, beriya eşkerekirinê, haya wî ji biryara vekişînê nîn bû û beyî ku pê re bişêwirin ev biryar hatiye wergirtin.