Ewro 1ê Êlule ya, 1ê Êlule Roja Aşitî ya Dinya ya. 

Netewê Yewbîyayî ewilî roja 1ê êlule sey Roja Aşitî qebûl kerde. La Netewê Yewbîyayî badê cû na roje vurna û roja 21ê Îlone sey Roja Aşitî ya Dinya qebûl kerd.

La çi heyf ke na hêvî zergun nêbî. Demêk badê dinyaya ma bîye şahîdê cenganê bînan. Hema zî nê cengî dewam kenê.  Nika welatê ma mîyanê şerî de yo û newe ra yeno parekerdene.

Dewleta Tirkîya polîtîkaya xo ya vera Kurdan çi heyf ke hema zî domnena. Tirkîya semedê aştî û çareserîya sîyasî hêviyêk nêdana çewî, gamêk nêerzena.

Na rastî zî esta ke êyê ke Tirkîya de aştî û demokrasî wazenê zî nêbîyê hêzêk û hereketêko xurt.

No welat de ektorê aşitî û demokrasî, Kurdê ke tewr zaf mexdurê şerî yê, ê bi xo yê. 

Ma venga Dewleta Tirkîya danê: Şer de israrkerdiş, dewamî û xorînkerdişê bêçareserîya 101 serran o. Bi no qayde yew tek mesela safî nêbena. Ca de peynîya na polîtîka û sîyasetê vera Kurdan bîyarêne! 

PKK zî bi çalakîyanê xo yê çekdarî zirar dana şarê ma, bena sebebê polîtîkaya şidetî û bêçareserîye ya Dewleta Tirkîya. Bakûrê Kurdistanî de pêrodayîş û çalakîyê çekdarî vernîya xebata sîyasî û  demokratîke gênê. Coka PKK gerê pawê Dewleta Tirkîye nêvindo û derxal çalakîyanê xo yê çedarîyan vindarno. 

Ma venga Dewleta Tirkîya danê ke, wa pêruna partîyanê Kurd û Kurdistanî mixatab bigîro, prosesê dîyalogî û çareserîya sîyasî bido destpêkerdiş. 

Ma venga heme hetê Tirkîyayîyan û Kurdistanîyan danê ke, wa 1ê Îlone Roja Aşitî ya Dinya de semedê safîkerdişê meseleya Kurde û semedê aşitî, azadî û edaletî na roje bikerê destpêkêk û vengê xo berz bikerê.

Ma bi wesîleya 1ê êlule Roja Aştî ya Dinya ra ma wazenê bîyarê vîrê heme dewletan û şaranê dinya ke, herême de û dinya de nefteyê aşitî yê tewr muhîman ra yew zî azadîya Kurdistanî û  heqê qederê xo  tayînkerdiş o.

01.09.2024 

Buroya Çapemenîye ya Partîya Welatparêzanê Kurdîstanî (PWK)