Merkezê Xeberan- 6ê kanûne de polîsan eştbi keyeyanê hemşaredaranê qezaya Bêgirî, Qelqelîye û Elbakî yê Wanî ser û 5 hemşaredarê HDPyî bi îdîaya ''endamîya rêxistine'' û ''propagandaya rêxistine'' ê tepiştibî.  Înan ra 3 hemşaredarî ameyî tewqîfkerdene.

Hemşaredarê ke 6ê kanûne de Wan de sereştişê keyeyan de ameyî tepiştiş înan ra Hemşaredarê Bêgirî Yilmaz Şalan û hemşaredarê Qelqelî Dîlan Orencî û Yakup Almaç  ameyî tewqîfkerdene. Hemşaredarê Elbakî Erkan Acar û Hemşaredara Bêgirî Leyla Balkan zî bi şertê kotrolê edlîyî ameyî veradayene. Hemşaredarê ke ameyî tewqîfkerdene erşawîyay Zindanê Tîpê Tyî yê Wanî.