Merkezê Xeberan - Wan de 3 kesê ke Îranî ra ameyî rîyê adirê berzî  ra şikê virusê Korona nêweşxane de binê kontrol de yê.

Vizêr qezaya Sarayî ya Wanî de Berê Sînorî yê Kapikoyî ra 3 îranijî dekewtî şaristan. Ame zanayene ke derheqê nê 3 kesan de bi şikê vîrusê Korona cigêrayîş dîya destpêkerdene. Colemêrg de zî dadîyêke û domanê ci bi şikê vîrusê Korona ameyî berdene bi Nêweşxaneyê Cigêrayîşî û Perwerdeyî yê Wanî. Selahîyetdaran tesdîq kerd ke 5 kesî binê kontrolê weşîye de yê. Selahîyetdaran pare kerd ke hema rewşa karantîna çin a û qiseykerdişê seba tesbîtê vîrusî rew o.

Ame vatene ke nê 5 kesî Serwîsê Lezabezî yê Nêweşxaneyê Cigêrayîşî û Perwerdeyî yê Wanî de binê kontrolê weşîye de yê. Hetê bînî ra dîya zanayene ke ewro ra tepîya beranê sînorî yê Îranî de sîstemê peymitişê adirê bedenî do bêro xebitnayene.