Wan de rîyê varayîşê zêdeyî ra laser werişt. Di şiwanan ra xebere nêna girewtiş. Bi desan kesî herêma laserî de mehsur mendî.

Taxanê Albayrak û Guzeldere yê qezaya Elbakî û taxanê Sarikoy, Kaşikara û Yunkuşakî yê Qelqelî yê Wanî de varayîşê zêdeyî ra laser werişt. 

Laser de xeylê kesî herême de mehsur mendî û xeylê heywanî telef bîyî. Şêlikê herême pare kerd ke Elbak de di şiwanê ke pezê xo çarnayêne vînîbîyaye yê. Semedê înan karê cigêrayîş û xelisnayîşî dîya destpêkerdene.

Nêzanîyeno ke laser de zerar resayo canê kesî ser yan nê. 
Dezgehanê fermîyan zî heta nika eşkerayîyêk nêday.