Qezaya Wanî Qelqelî de mînîbûsa ke koçberî kiriştêne qelebîya. Qeza de tewr kêmî 10 kesî merdî, 25 kesî zî birîndar bîyî.

Qezaya Wanî Qelqelî de mînîbusa ke koçberî kiriştêne qelebîya û rayîr ra vejîya. Saetanê nîmrojî de nizdê Mehlaya Erçekî de mînîbusa bi plakaya 76 AAC 296 a ke koçberî kiriştêne kontrol ra vejîya û qelebîya.

 Hedîse ra dima ekîbê weşî û ambulansî sewqê cayê qeza bîy. Ekîbê ke amey cayê hedîse, ewilî mudaxeleyê birîndarê ke her ca rê bîbî vila kerd. Mudaxeleyê ewilî ra dima birîndarî pê ambûlansan neqlê nêweşxaneyan bîyî. Qeza de 10 kesî merdî  25 kesî zî birîndar bîyî. 

Tirmê 10 kesanê ke merdbî û 25 kesanê birîndaran neqlê nêweşxaneyanê dorûveran bîy. Tedawîya birîndaran dewam kena û vajîyeno ke mîyanê birîndaran de rewşa weşîya tayinan rind nîya.