Walîyo ke hetê hukmatî ra sey qeyûmî Şaredarîya Bajarê Pîlî ya Wanî rê ame tayînkerdene semedê 15 rojan heme çalakî û aktîvîteyî qedexe kerdî.

19’ê Tebaxe ra nata vera destronayîşê beledîyeyanê Amed, Wan û Mêrdînî  çalakîyê protestoyî dewam kenê.  Walîyo ke sey qeyûmî şaredarîya Wanî de ame cakerdene aktîvîte û çalakîyî semedê 15 rojan qedexe kerdî.

Walîtîya  Wanî da zanayene ke merkez û qezayanê bajarî mabenê tarîxanê 27/08/2019 û 10/09/2019 de heme çalakî û aktîvîteyî ameyî qedexekerdene.

Heto bîn ra Şirnêx de zî seba 15 rojan çalakî û aktîvîteyî ameyî qedexekerdene.

Walîtîya Şirnexî semedê vergirewtişê çalakîyanê protestoyî yê xespkerdişê şaredarîyan, semedê 15 rojan çalakî û aktîvîteyî qedexe kerdî.

Walîtîya Şirnêxî semedê vergirewtişê çalkakîyanê vera dewtronayîşê şaredarîyanê Amed, Wan û Mêrdînî qedexeyê aktîvîte û çalakîyan ê 15 rojan îlan kerd.

Eşkerayîye de ame vatene ke merkez û qezayanê bajarî  mabenê tarîxanê  23/08/2019 û 06/09/2019 de her qeyde çalakî û aktîvîteyî qedexe yê. Qerarê qedexeyî dimayê 3 rojan ame eşkerakerdene.