Bes e, bes pirsa evînê û

helbestên evînê ji min bike…!

Çax û demên min nîn in

ji dilgirtin gurnijandin û hevdîtinê re…

Li min bibore; Êdi nema strana

(Keçka Simoqî û Bavê Seyro)

giyanê min dihejînin..

Êdî nema xewin û xeyal karin bi dil ku dil bijenînin

Dil perçe-perçe bûye; Perçak li Efrînê ye

Bi darên Zeytonan re dişewite..

Perçak li Kobanî û Serê Kaniyê ye,

xwîn jê diherike..

Perçak li Qamişlo û Amûdê ye,

jar û rebene, ji belengazî dirikrike..

Welato!

Me got û ne got..!

Me got: Hawar e Hawar;

yê ku nikaribe darekê biçîne

şitlekê ne qurquçîne…

yê ku nikaribe avanîyekê ava bike

koxekê wêran neke…

Êdî bese welato..

25.09.2021

Konê Reş, Qamişlo