Cenazeya welatperwerê Kurd Faysal Seyîdxanî ewro Qoser de amey definkerdiş.

Mezelê welatperwerê Kurd Faysal Seyîdxanî bi Alaya Kurdistanî hate pêşayîş.

Semedê tedbîranê Covid-19yî gelek welatperwer û heval û heskerdoxê welatperwerê Kurd Faysal Seyîdxanî nêeşkay beşdarê merasîmê cenaze bibê. La ancî zî, rayber, endam û hetgirê PAKî û gelek welatperwerî beşdarê cenazeya Faysal Seyîdxanî bîyê.

Mezelê welatperwerê Kurd Faysal Seyîdxanî ser de, nameyê Serekê Pêroyî yê PAKî û nameyê heme PAKîyan ser o, endamê Meclîsa Partîye êa PAKî Şêxmûs Unalî qiseykerdişêk kerd.

Sêxmûs Unalî qiseykerdişê xo de eleqe ant şexsîyetê Faysal Seyîdxanî yê welatperwerane ser û va " Kek Faysal Seyîdxan  45 serran ra zêdêr, pê heme dej û zehmetîyan bêmabên dewaya azadìya Kurdistanî de sey kedkar û têkoşerêko pîlcayê xo girewt. Ey sereyê xo vera xeyrnêwazanê miletê Kurd de çewt nêkerd. Wa kek Faysal û heme şehîdê Kurdistanî, baş bizanê ke, alaya ke înan têraşayêne ma do çi rey war de nene ro. Ma do heta azadîya miletê xo û welatê xo, rayîrê înan ê pîrozî ra şorê. Ez nameye Serekê partîya ma birêz Mustafa Özçelik û  nameyê heme rayber û endamanê PAKî ser o keyeyê kek Faysalî rê serweşîye wazena. Sereyê ma heminan, sereyê şarê Kurdistanî weş bo ".

Heto bîn ra welatperwerê Kurd Abdulkadir Yildirimî zî cuyayîşê Faysal Seyîdxanî ser o qsieykerdişêk kerd.

Welatperwero Kurd Faysal Seyîdxan xeylî wext estbi ke rîyê nêweşîya qansêrî ra tedawî dîyêne, la çi heyf kerd roja 24.12.2020 de mîyanê ma ra koç kerd û dinyaya xo bedilna.