Kitabê domanan hetê Sîya Sîtave ra ameyo nuştiş û resmê kitabî zî hetê Merve Tunçe ra ameyê hêzkerdiş.

Senî ke yeno zanayîş, xeylê domanî nêwazenê şorê nêweşxane û doktoran ra tersenê. Doktor Jîjo na mesele ser o ameyo nuştiş. Doktor Jîjoyî de doktorî ver şîyayîş çîyêko rojeno yo. Ne ke hikâyeye de ters çin o, est o la çareserîya ci zî est a. Domanî wexto ke Doktor Jîjoyî biwanê, do hem ci ra keyf bigerê hem zî ser o bifikirê. 

Wexto ke domanan ser kitabêk amede bibo, ganî bi metodanê raştan bêro amadekerdiş. Ganî kitab goreyê famkerdişê domanan bo. Perspektîfê domanan muhîm o û ganî perspektîfê kitabî zî goreyê perspektif û dinyaya domanan bo.

Ganî nuştoxî sey domanan bifikirîyê. Doktor Jîjo zî bi metodanê pedagojîyî û perspektîfê domanan goreyê famkerdişê domananê 4-6 serrîyan ameyo hedrekerdiş. Resman û weçînitişê rengan de zî metodê pedagojîyî esas ameyê girewtiş.