Wezareta Ewqaf û Karûbarên Ayînî ya Herêma Kurdistanê dema vekirina mizgeftan dîyar kir.

Nêzîkî 2 meh in mizgeftên Herêma Kurdistanê di çarçoveya pilana hikûmetê ya rûbirbûna vîrusa Koronayê de hatine girtin. Lê bi destpêkirina meha Remezanê re daxwaza vekirina mizgeftan zêde bûye.

Ji ber wê jî wezareta ewqaf û karûbarên ayînî di daxuyanîyekê de ragihand, wan biryar dane roja 11 vê mehê mizgeftan vekin.

Wezareta ewqaf spasîya hikûmetê kirîye bo tedbîrên li hember Koronayê û bang li welatîyan jî kirîye dema diçin mizgeftan, heta ji destê wan tê şîretên tenduristîyê bicîh bînin.