Wezareta Perwerdê ya Herêma Kurdistanê bi daxuyaniyekê diyar kir, rêkeftinek ligel Peymangeha Goethe ya Almanî di warê pêşvebirina perwerde û fêrkirinê de îmze kirine.

Wezareta Perwerdê di daxuyaniya xwe de destnîşan kir, îro 10ê Gulana 2022yan, Wezîrê Perwerdê Alan Hemeseîd Salih tevî Rêveberê Giştî yê Dîwan û Rêveberê Giştî yê Amadehî û Pîşeyî yê li Wezareta Perwerdê, pêşwazî li Balyozê Giştî ya Almanyayê  Klemens Semtner û Rêvebera Peymangeha Goethe Anais Boelicke û şanda ligel wan kir.

Di berdewamiyê de eşkere kir, ligel şanda Almanî tekezî li bihêzkirina pêwendiya navbera her du aliyan kirine, bi taybetî di warên pêşvebirina perwerdehî û fêrkirinê û pêşvebirina dibistanên Almanî yên li Herêma Kurdistanê.

Herwiha Wezareta Perwerde destnîşan kir, rêkeftina ligel Peymangeha Goethe ya Almanî ji bo çar salan hatiye îmzekirin.