Berpirsekî wezareta perwerde ya Kurdistanê ragihand, wezareta perwerdê dê li ser çawaniya destpêkirina xwandinê bicive.

Wekîlê wezareta perwerde ya Kurdistanê, Seywan Elî ji BasNewsê re got, emê îro civîneka berfireh li ser çawaniya destpêkirina perwerde û xwandinê pêk bînin.

Seywan Elî her wiha got, helbet em nikarin biryara vebûna deriyên dibistnan bidin lê emê pilan û pêşniyarên xwe amade bikin û bidin komîteya bilind ya rûbirûbûna Koronayê. Ewê jî li ser gotûbêj bikin û biryarên pêwîst bidin. Ew çi bêjin, emê bicîh bînin.

Komîteya bilind ya rûbirûbûna Koronayê beriyan iha ragihandibû, dibistan heta roja 16 meha Çile ya sala 2021 girtî dibin. Paşê dê dîsa rewşê binirxînin û biryarên pêwîst bidin.