Duh êvari li paytext Hewlêrê, bi amadebûna wezîrê rewşenbîrî û ciwanan Heme Heme Seîd ve, rêveberiya giştî ya rewşenbîrî û hunerî ya Hewlêrê merasîma xelat kirina hunermend Hesen Germiyanî birêve çû û wezîrê rewşenbîrî xelata zêrîn ve hunermend Hesen Germiyanî xelat kir.

Malpera fermî ya wezareta rewşenbîrî û ciwanan ragehand ku merasîma ku xelk jî tê de amadebû li salona rewşenbîrî, xelata wezareta rewşenbîrî û ciwanan a hikûmeta herêma Kurdistanê, sendîkaya hunermendên Kurdistanê û çend rêxistin û saziyên hikûmetê û çandî ve Hesen Germiyanî hat xelat kirin.

Di merasîmê de Hesen Germiyanî hin stran gotin. Hesen Germiyanî yek ji dengên resen ê diyar ê navenda hunerî ya mûzîka kurdî ye.

Hesen Ebdula Mihemed Axa ku wek Hesen Germiyanî tê nas kirin, sala 1945ê de li Qadir Kerem a sînorê Germiyanê ji dayîkbûye. Yekem berhemê strana wî ‘’Xom qurbanî suxmey konî’’ bûye, ku li ser şanoya amadeyî ya Silêmaniyê li gel koma mûzîk a Silêmaniyê hatiye pêşandan.

Hesen Germiyanî ji sala 1997ê ve li derveyî welat jiyana dike û naha jî niştecîhê Norweçê ye.