Wezareta Tendirustîya Kurdistanê daneyên dawîn yên Covid-19ê eşkere kirin
Wezareta Tendirustîya ragihand ku li parêzgehên Hewlêr û Silêmanîyê Covid-19ê (koronavirus) ketîye canê 3 kesên din û bi vî awayî hejmara kesên bi wê nexweşîyê ketine gihiştîye 11an.
A+A-
Navenda Nûçeyan - Wezareta Tendirustîya Herêma Kurdistanê bi axuyanîyekê aşkere dike, ji 2 hezar û 918 kesên li Herêma Kurdistanê hatibûn karantînekirin, hezar û 790 kes ji karantîneyê derketine û çûne nav malbatên xwe de.
Herwiha li gorî wê daxuyanîya hatîye belavkirin, niha hezar 128 kes di bin kontrola pizîşkî de ango di karantînayê de ne.
Bi giştî li Herêma Kurdistanê, ji bilî kesekê ku jîyana xwe ji dest daye û kesek jî hatîye çareserkirin, heya niha Covid-19 ketîye canê 11 kesan
Herwiha Wezareta Tendirustîya Herêma Kurdistanê, careke din daxwazê ji welatîyan dike, ku pêbendî rênimayîyên tendirûstîyê bin û ji cihê qerebalixî dûrkevin, zûzû jî destê xwe bişon û zêde nêzîkî hev nebin.
Nûçeya berê û ya piştre
NÛÇEYE ŞÎROVE BIKE
JI kerema xwe re şîroveyên xwe jî bi gramera kurdî ya rast û tîpên kurdî binivîsin