Wezareta Tendirustiya Herêma Kurdistanê îro roja çarşemê 07.10.2020an derbarê amarên dawî yên nexweşiya Koronayê de daxuyaniyek belav kir û di wê daxuyaniyê de ragihand 886 berketiyên nû hatine destnîşankirin û 29 kes jî bi Koronayê mirine.

Wezareta Tendirustiya Herêma Kurdistanê ji ser hesabê xwe yê tora medyaya civakî ji ser hesabê xwe yê facebookê amarên dawî yên nexweşiya Koronayê belav kir û ragihand di 24 saetên dawî de 886 berketiyên nû yên nexweşiya Koronayê hatine destnîşankirin û 29 kes jî bi Koronayê mirine û 566 nexweşên Koronayê baş bûne.

Herwiha hatiye ragihandin ku ji wan 29 miriyan 2 kes ji Hewlêrê, 15 kes jê ji Silêmaniyê, 6 kes jê ji Duhokê, 2 kes jê ji Helebce, 2 kes ji Germiyan û kes jî ji Raperînê bûye.

Heta  niha li seranserî Herêma Kurdistanê 52 hezar û 756 kes bi Koronayê ketine û 33 hezar û 312 nexweş baş bûne. Herwiha 17 hezar û 538 nexweş jî tedawî dibin û 1.906 kes jî bi Koronayê mirine.