Navenda Nûçeyan - Tedros Adhanom Gebresus îro di konferanseke rojnamevanî de ragihand, ezmûna Çîn û Koryaya Başûr dîyar kir ku karantîna kirin (ketina bin çavdêrîya tenduristî) dikare jîyana piranîya xelkê biparêze.

Herwiha got: Dezgehên tenduristîyê li welatên cîhanê amade ne pêşwazîyê li hejmareke mezin a berkeftîyên vîrusa Korona bikin.

Destnîşan kir, pêwîst e tewdîrên pêwîst bêne girtin û tevahîya bone û civînên giştî bên rawestandin û nexwe û berkeftîyên vîrusê bêne cuda kirin, ji bo rêgirî li belavbûna vê vîrusê bê kirin.

Rêxistina Tenduristîya Cîhanê, ji ber bilezbûna belavbûna vîrusa Korona, pêr roja 11 Adarê ew vîrus wek şewbekî cîhanî ragihand.