Rêxistina Saxlemî ya Cîhanê (WHO) destûr da ku vaksîna vîrusa korona ya Pfizer û BioNTechê di rewişên awarte de were karanîn.

WHO bi destûra bo vaksîna Pfizer û BioNTechê cara pêşî vaksîneke vîrusa korona pejirand.

Ji nav welatên cîhanê berê Brîtanya vaksîna Pfizer û BioNTechê pejirandibû û piştre Amerîka û Kanada jî bo wê vaksînê destûr dabûn.

Sazîya Dermanan ya Ewrupa (EMA) û Komîsyona Yekîtîya Ewrupa (YE) jî di 21ê Berfanbarê de vaksîna Pfzier û BioNTechê pejirandibûn.

Pfizer û BioNTech hewil didin ku heta dawîya 2021an 1,3 mîlyar vaksîna vîrusa korona çêkin.