Diyarbakır6 °C
Xarpêt de bê maske vejyayîşê teberî ame qedexekerdiş

Xarpêt de bê maske vejyayîşê teberî ame qedexekerdiş

Waliyê Xarpêtî yê Bakurê Kurdistanî aşkere kerd ke, qedexeyê vejyayîşê teberî yê 4 rojan qedîya, la vilabîyayîşê korona dewam keno û seba tedbîrî înan qerar dayo ke bê maske vejyayîşê teberî qedexe bîyo.

A+A-

Merkezê Xeberan - Walîyê Xarpêtî yê Tirkîya Çetin Oktayî aşkere kerd ke, virusê Korona vilabîyayîşê domneno.

Çetin Oktayî da zanayîş ke hînî Xarpêt de bê maske vejyayîşê teberî yesax bîyo û kesê ke teber ra yenê Xarpêt zî  do 14 rojî  de bînê karantîna de bimanê, kesê ke bê maske vejîyê teber zî do înan rê 3 hezar û 150 lîre cezaya pereyan bêra birnayîş.

Wezaretîya Karanê Zereyî ya Tirkîya 35 şaristanan de bê maske vejyayîşê teberî kerdbî yesax. Bi îlawebîyayîşê Xarpêtî na hûmare vejîya 36 şaristanan.

Bakûrê Kurdistanî de Erzerom, Xarpêt, Îdir, Riha, Semsûr, Sêrt, Dêrsim, Dîlok, Mereş, Mêrdîn û Meletî de bê maske vejyayîşê teberî yesax o.

 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin