Xarpêt de mînîbusa ke raywanê ci şîyêne veyve û kamyonêke ginayî pê. Qezayê trafîkî de 3 kesî merdî, 12 kesî birîndar bîyî.

Mînîbusa ke tede raywanî seba veyve Gumgumî ra şîyêne Qers rayîrê Çewlîg-Xarpêtî ser de qeza kerd. Semedo ke ramitoxê mînîbuse nêeşka wesayît kontrol bikero mînîbuse da kamyonêka parkkerde ro. 

Netîceya qezayî de 3 kesî merdî, 12 kesî zî birîndar bîyî. Birîndarî pê ambulansan wedarîyayî nêweşxaneyan. Cenazayî zî wedarîyayî morgê Nêweşxaneyê Zanîngehê Firatî.