Dêrsim de qezaya Pulurî de di noqtayan de şewat vejîya. Qezaya Çemişgezekî de zî netîceya şewatî de 4 keyeyî bi temamî bîyî wele.

Dêrsim de dewa Mutuyî ya Pulurî de perey şewat vejîya û şewat vizêr şewdir ame hewna kerdene.  Reyna dewa Kaymaztepe ya Pulurî de şewat vejîya. Hêverî roniştoxan dima zî ekîpa îtfaîya mudaxeleyê şewatî kerd. Şewat hema zî dewam keno.

Dewa Doganî ya Çemişgezekî de keyeyêk de şewat vejîya. Seba ke keyeyî kerpîçin ê şewat cade keyeyanê bînan ra vila bi. Hêverî dewijan mudaxeleyê şewatî kerd. Dima ke zî ekîpî sewqê warê şewatî bîyî. Şewat ame hewna kerdene. Netîceya şewatî de 4 keyeyî bi temamî bîyî wele.  Derheqê şewatî de tehqîqatêk dîya destpêkerdene.