Xortekî Kurd li welatê Misrê beşdarî Forûma Ciwanên Cîhanê dibe, ku di forûmê de 190 welat beşdar in.

Peywend Subhî ku xortekî ji bajarê Kerkûkê ye, weke nûnerê ciwanên Başûrê Kurdistanê û Iraqê li welatê Misrê beşdarî Forûma Ciwanên Cîhanê dibe.

Forûma Ciwanên Cîhanê bi alîkariya Serokomarê Misrê ve birêve diçe û cara ewil di sala 2017an de hat encamdan, par ji ber vîrusa Koronayê nehat encamdan, îsal jî bi amadebûna nûnerên 190 welatên cîhanê birêve diçe û dê şeş roj bidome.

Peywend Subhî weke endamê Encûmena Ciwanên Iraqê û Nûnerê Ciwanên Kurdistanê, di forûmê de cih digre.

/K24