N. Nûredîn Sofîzade*

Di nava agirê herêmî de, di nava bûyerên derdora me, di nava guhertinên ku têne pêşbînîkirin, em kîderê ne? Em divê çi bikin?

Em Kurd ku ji hemî hêlekê ve bindest û mafxwarî ne, ji aliyê hikumetên dagîrkar ve hatine bê maf kirin, Kurd û Kurdistan hertim li ber gefa êrîşê de ye û dujmin cehdê dikin ku Kurdan bihelînin, û ev dengê cuda cuda ye mafxwaziyê û tevgerên azadîxwaziya wan bifetisînin û bê deng bikin.

Niha ku Herêma Rojhilata Navîn bi sedema şerê di navbera Îsraîl û girûpên milîşiyayî û bi taybetî rêjîma Îranê de ye, û roj bi rojê egera berfirehtirbûna şer zêdetir dibe û gelek dûr nayê zanîn ku şerekî giran û yêkalîker di nabera Îran û Îsraîlê de biqewme, û hekî ev yêke jî çêbe, bê guman cemser û aliyên cuda dê çêbin û renge welatên xwedî bandor û bi taybetî Amerîka û Ewropa û welatên nawçê nekarin bê helwêst bin, vê demê me Kurdan çi kiriye? Di nava wan bûyeran de berjewendî çiye û Kurd kîdera wan bûyeran de cih digrin?

Bê guman hekî ev şerê pêşbînîkirî biqewme, dê gelek guhertinên bingehîn bi du xwe de bîne, herçiqas her nihade û hela bibê êrîşa Îsraîl bo ser Îranê, gelek derencam bi du xwe de anîne.

Ev şera dikare hevsengiya hêzan biguhere û tenanet dikare bibe sedemê guhertina jiopolitîk û cografiya û pêkhata sinûran jî.

Li demekê de ku Kurdistan li wê nawçê de hilkevtiye, li demekê de ku Kurd bi ser aliyê kêm 4 welatên vê herêmê de hatiye parvekirin û axa Kurdan hatiye dagîrkirin, û Kurd ji heçî mafekî berheqe netewî hatine bêparkirin û bi dirêjiya dîrokê xebat kiriye bo geheştina bi mafê xwe, bê guman heçî kîjan ji wan 4 welatên dagîrkerê Kurdistanê nikarin li pirîşkên agirê nawçê bi dûr bin û nikarin li hember wan bûyeran de bê helwêt û bê alî bin.

Gelê Kurd çavan dikare wan aloziyan bo xwe bi derfet bizane û mifahê jê wergire?

Kurd dive berî her tiştî yêkgirtî be û netifaqî û diberiyên xwe danê qiraxê û li henber wan bûyeran de xwedî berhevdan û yêk gotara netewî be.

Kurd dive xwe rêkxistin bike û amadekariya her pêşhatekê bike ku li egera guhertinan de dîsan mayepûç nemîne û tenê zerermendê di nava wan aloziyan de be.

Kurd dive xwedî gotarekî hevpar be li derheq mafê çarenivisiya xwe û bikare xwe li cem welatên nexşekêşê bi hiz ên cîhanê de, xwedî bandor û wekî hêzeke şûndaner bide xuyakirin.

Kurd dive aliyê kêm li heçî kîjan ji perçên Kurdistanê û bi taybet li Rojhilatê Kurdistanê pilan û piroja xwe hebe bo heçî guhertinekê.

Kurd hekî çi bi berçavgirtina xebata rizgarîxwazane ye wê û daxwaza mafê netewî, ne dikare û ne dixwaze ku bibe altirnatîv bo deshilata giştiye welatên ku bi ser de parvebûye, lê aliyê kêm dikare bi yêkîtî û hêza xwe û yêk gotariya xwe, weke hêza dînamîk a xwedî derkevtin û beşdarî li nexşerêka pêşerojê bide xûya ku wisa nîşan bide ku bi bê beşdarî û hevrayî ya Kurdan çi altirnatîv û pilanek nikare serkevtî be.

Xala dawî û ya girîng: Bi berçavgirtina derbasbûyî ya Îranekî mezin û bi hêz çi li serdemê hikumeta paşayetî de û çi li serdemê rêjîma Îslamî de, hem welatên nawçê û hem welatên xwedî bandor û mezine cîhanê hest bi aramî û ewlehiyê nekirine, lewma Kurd li Rojhilatê Kurdistanê dive bi yêkitî û yêkrêzî û yêkgotariya aliyên siyasî û şorişvan û çavê hemî xelkê Rojhilatê li wane, bikarin xwe rêkxistin bikin û amadekariyê bikin û piroje û bername hebin bow ê ihtmalê ku cîhan geheştibe vê encamê ku dive saxtara cografiyaya Îranê bê guhertin, û Kurd giraniya xwe dabe nîşandanê ku dikare ji qewara Kurdistanê xwedî derkeve.

Hekî Kurd yêkrêz û yêkgotar nebe, bêgoman her wekî gelek carên din, wê care jî xewna dîrokiye Kurdan dê bibe bilqên ser avê û ev derfet jî ji dest here.

Çavkanî: Kurdistan Media