Mihemed Nazim li welatê Îmaratê xelata dîplomasiya berceste ya Konferansa Model a Neteweyên Yekbûyî wergirt. 

Xwendekarekî Zanîngeha Soranê, li welatê Îmaratê xelata dîplomasiya berceste ya Konferansa Model a Neteweyên Yekbûyî wergirt.

Mihemed Nazim, xwendekarê pola çarem a beşa zimanê Îngilîzî yê li Fakulteya Edebiyatê ya Zanîngeha Soranê beşdarî Konferansa Model a Neteweyên Yekbûyî bû û piştî pêşkêşkirina gotar û encamdana çendîn hevdîtinan, weke dîplomatê berceste yê konferansê rêz lê hate girtin.

Li ser vê mijarê, Mihemed Nazim ji K24ê re ragihand; di konferansê de Xelata Dîplomasiya Berceste (Outstanding Diplomacy Awar) wergirtiye, ku xelata duyem a konferansê ye.

Nazim diyar kir ku ev konferans her sal birêve diçe û Neteweyên Yekbûyî piştevaniya wê dike. Herwiha destnîşan kir ku di konferansê de mijarên girîng ên cîhanê hatine gotûbêjkirin û ew jî weke nûnerê Kurdan bi cil û bergên Kurdî beşdar bûye.

Ji roja 17 heta 20ê Îlona 2021ê, bi amadebûna zêdetirî 200 xortên ji seranserê cîhanê, li welatê Îmaratê bajarê Dubey, Konferansa Model a Neteweyên Yekbûyî bo Ciwanên Ereb birêve çû.