Serdozgerîya Komare ya Dêrsimî yadkerdişê Seyîd Riza û embazanê ci sey 'unsurê sûcî' hesibna.

Tay temsîlkaranê rêxistinanê komelê sivîlî û kesayetan serrgêra 84. ya îdamê Seyîd Riza û embazanê ci de semedê merasîmê yadkerdişî vilawekê agahîye vila kerdî. Serdozgerîya Komare ya Dêrsimî derheqê nê kesan de bi îdîaya 'wasifnayîşê sûc û sûcdaran' tehqîqat da destpêkerdene.

Çarçewa tehqîqatî de veng dîya Hemserekê HDPyî yê Dêrsimî Îbrahîm Kasun û Nurşate Yeşîl, Hemsereka HDPyî ya qezaya Merkezî Ozleme Toprak, Îdarekara HDPyî ya Dêrsimî Yasemîne Soylemez, Endamê DADî Hidir Yilmaz, Serekê Merkezê Cigêrayîşanê Dêrsimî Selman Yeşîlgoz û zaf kesanê bînan ke Mudirîya Asayîşî ya Dêrsimî de îfade bidê.

Vilawekan de wina amebi nuştene: ''Ma serrgêra 84. ya îdamanê înan de Seyîd Riza, Uşenê Seydî, Findiq Aga, Resik Uşen, Alîyê Mirzê Silî, Hesenê Îvraîmê Qijî, Hesen Aga yad kenê.'', ''Xo Vîr a Meke'', ''Çila Xo Roştî Ke''