Merkezê Xeberan- Hetkara Serekî ya Komîsyona Yewîya Ewropa û Temsîlkara Têkilîyanê Teberî û Asayîşî ra Berpirsîyare Federîca Mogherînî do  ser nameyê Yewîya Ewropa siba heyeto pêroyî yê Parlamentoyê Ewropa de derheqê tedbîr û qeraranê ambargoyî yê serê Tirkîya de zanayîş bido parlamenteran.

Ame zanayene ke partîyê Parlamentoyê Ewropa seba ke metno hempar ser  pê bikê nika ra pêvînayîşan kenê. Heyeto Pêroyî yê Parlamentoyê Ewropa do sibayê Çarşemeyî de hîrê saetan dewam bike û dezgehê Yewîya Ewropa, selahîyetdarê Konseye û Komîsyona Yewîya Ewropa seba ke serê tewirêko hempar de pê bikê xîret kenê.

Goreyê xeberan Parlamentoyê Ewropa de beno ke qerarê winasênî bêrê girewtene:

"Xîretê rejîmê Erdoganî yê seba cakerdişê multecîyan Rojawan de  verba Peymana Multecîyan a Cenevre yo, sere de rotişê çekan, babetanê ekonomîyî, bazirganîye de ambargoyê serê Tirkîya bêrê caaerdene, waştiş bêro kerdene ke dewleta Tirkî hêrişanê xo biqednê û cayanê Sûrîye ra ke îşxal kerdî xo tepîya biancê, sîstemo îdareyo xoser ê Rojawanî hetê hêzanê mîyanneteweyîyan ra bêro naskerdene, Rojawan perayîşan ra bêro qedexekerdene, Hêzê Sûrîye ya Demokratîke, Kurdî, Sûryanîyî muzekereyan de bibê."

Dimayê pêkerdişî yena pawetene ke Pancşeme qerarî do bêrê reydayene.