Merkezê Xeberan - Sekreterîya Pêroyî ya Yewîya Ereban seba hêrişanê Tirkîya yê Başûrê Kurdistanî  ke Şingal û Mexmûrî rê benê reaksiyon nîşan da û hêrişê Tirkîya şermezar kerd.

Sekreterê Pêroyî yê Yewîya Ereban Ahmed Ebû Gaytî beyanat da û va: Tirkîya pê bahaneya teqîbkerdişê PKKyî Başûrê Kurdîstanî rê operasyona eskerî kena. Ma na operasyone şermezar kenê. Tirkîya nê hêrişan Bexdadî ra bê xeber kena û bi no qayde Anqara 'huqûqê mîyannetewî û têkilîyanê xo yê welatanê ereban de bêqîmet kena.'

Beyanatd e wina ame vatene: ''Tirkîya Sûrîye, Lîbya, Iraq û welatanê ereban rê mudaxeleyê eskerî kena û no zî welatanê ereban aciz keno.''

Fermandarîya Operasyonan ê Hemparan a Iraqî zî hêrişê dewleta Tirkîya şermezar kerdî.