Mesûlê Sîyasetê Teberî  yê Yewîya Ewropa Josep Borrellî va ke, Yewîya Ewropa Tirkîya ra waşta wa qerarê xo yê derheqê Ayasofya de bibedilno.

Josep Borrellî Tirkîya vano ke, qerarê Tirkîya yê derheqê camîkerdişê Ayasofya de ma zaf xemgîn kerdo. Ma hêvî kenî ke Tirkîya nê qerarê xo bibedilno.

Seke yeno zanayîş bi fermanê Serekkomarê Tirkîya Recep Tayîp Erdoganî muzeyan Ayasofya ke verê cû dêr bî açarîya camî. Na kerdêna Erdoganî mîyanê nijadperest û îslamîstan de bibi sebebê keyfweşîyêka pîle û qasê aşmîyo ke televîzyonanê tirkan de tena Ayasofya yena qisêkerdiş.