Yewîya Ewropa (YE) prosesê Tirkîya dir muzakerekerdiş û ê hewt welatan ser o raporêk hadre kerd.

Gorê raporî ra Tirkîya her tim peyser şina û gere êdî Tirkiya dir mûzakereyê newî nêrê kerdene. Yewîya Ewropa semedê Tirkîya raporê xo yê newî aşkera kerd. Rapor demê 1ê Adara 2018î û 1ê Adara 2019î de ameyo hadrekerdene.

Temsîlkara Karanê Teberî û Polîtîkayê Asayîşî ya Yewîya Ewropa, Federica Mogherini û endamê Komîsyona Yewîya Ewropa Johannes Hahn raporo ke seba Tirkîya ameyo hadrekerdiş wend.

Hahnî îzeh herd ke, gorê tespîtanê înan, gere Tirkîya dir êdî mûzekereyê newî dest pênêkerê.

Rapor de wina vajîyeno: Demê OHALî de tayn qanûnî amê vetiş û qebûlkerdiş. Bi qanûnanê neweyan karmendê dewlete (dadgerî zî tede) kar ra amê eştene. Demê nezaretxane de mendişî ameyo dergkerdiş. Heqê seyahatkerdişî amo astengkerdiş. Hukmatî qewetê walîyan kerdo zêde. Bi nê çîyan heqê bingehînî ê welatîyan amê îxlalkerdiş.

Yewîya Ewropa bi nê sebeban wazena wa Tirkîya dir mûzakereyê newî nêrê kerdiş.